青年研究部

Ep.26 HEADxHUNTER

投身社會工作,好多人都好怕要搵工,但偏偏有份工,唔止幫人搵工,仲會幫工搵人,坊間對呢個職業有一個稱呼,就係「獵頭公司」。究竟獵頭呢門職業,真正係做啲乜嘢?工作有咩特別要求?箇中又有幾多鮮為人知嘅秘密,今集就由資深從業員為大家解答。

是日Amazing嘉賓:Samson Ho


Ep.25 校規之匪夷所思

國有國法,校有校規。職場上,打工仔就遵守員工守則,按公司既有規矩辦事;求學上,學生返學就要遵守校規,從小養成生活中的秩序。大家視之為理所當然,因無規不成圓,無矩不成方。 今次,一齊傾吓校規呢個議題,研究大家求學時期,遇過最無厘頭、最匪夷所思嘅獨特校規,會唔會令你大開眼界,或者了解到當年校規背後嘅教育本意。


Ep.24 打工換宿的奇妙之旅

學生放暑假、SEM Break, 指定動作就淨係得返工搵錢、去大公司做實習生呢2個選擇? 呢個就係最好的安排,擴闊眼界去體驗生活? 定抑或好似今次節目嘉賓JoJo 咁,昂然闊步踏出香港呢片土壤, 走出世界,去芬蘭打工換宿,寓遊於學。 透過遊歷,發現世界很大;透過當中嘅苦與樂,蛻變成更成熟嘅自己。

是日Amazing嘉賓:JoJo


Ep.23 音樂是如何煉成的

舊社會,如果同人講想做音樂,好多時都係被指係發明星夢;時代進步,大家對文化娛樂藝術認知增加,對相關行業接受程度亦相應提高,究竟成個音樂工業當中,有幾多個唔同崗位?入行方法發展前途等等又係點,今集由音樂人CM同大家上一課。

是日Amazing嘉賓:
CMgroovy - 音樂監製、作曲人和編曲人


Ep.22 星,真係可以全民造?

近年選秀節目「全民造星」成為指標,成就了唔少年青藝人,同時帶動經濟;
但由始至終,節目定調一直都係真人騷,「造星」究竟實際係做啲乜?「星」又係咪真係可以造出嚟?「造星文化」對音樂工業意義又係啲咩?
今集請嚟全民造星首季音樂總監兼同時又係導師嘅CM,同大家由三年前開始講起。

是日Amazing嘉賓:
CMgroovy - 音樂監製、作曲人和編曲人


Ep.21 香港媒體進化史之:你今日課咗金未

舊媒體走到新媒體,平台改變咗,內容改變埋,但最大改變,應該係大家嘅消費習慣。
雖則話內容有價,但回想十數年前,免費資訊同娛樂比比皆是,對比現今,收費娛樂成行成市,究竟改變係幾時出現?
香港的媒體生態,經歷多個浪潮,大家又見證幾多個?

是日Amazing嘉賓:
Max Chu - 前媒體工作者


Ep.20 聽眾踩場:IT人的終極告白

經多次呼籲,青年研究部迎接首次聽眾踩場。
七十二行各有辛酸,但極限只係做牛做馬,唯獨IT,會自稱為IT狗。
究竟IT結界如何開啟,環境、前途、甚至心理建構,箇中情況由嘉賓逐一細說。

是日Amazing嘉賓:
Max Chu - 資深IT從業員


Ep.19 運動員是怎麼樣的職業

好多人都知,喺香港做運動員唔容易;
但實際有幾辛苦,佢哋真正面對嘅壓力,又有幾多人真係了解?
今集繼續有前香港龍舟代表隊成員,分享難忘經歷,同埋如何以一腔熱誠撐落去。

是日Amazing嘉賓:
鄧梓浩 (Jelly) - 前香港龍舟隊運動員


Ep.18 扒龍舟,唔是咁簡單~

喺香港,做運動員唔容易,做冷門運動嘅運動員更加唔容易。
扒龍舟,除咗係端午活動,原來都係一項運動項目!
今集請嚟退役龍舟運動員,分享昔日經歷,以及呢項運動帶嚟嘅喜樂。

是日Amazing嘉賓:
鄧梓浩 (Jelly) - 前香港龍舟隊運動員


Ep.17 香港,可持續發展?(2/2)

地球需要可持續發展,先可以生生不息。
生意同樣需要可持續發展,先可以繼續營運。
要做一盤可以持續發展,有關可持續發展嘅生意,
又係唔係一句「創業難,守業更難」可以講得曬?
本集嘉賓,會分享創立環保相關事業,當中辛酸與喜樂。

是日Amazing嘉賓:
Devana Ng-Invisible Company


Ep.16 香港,可持續發展?(1/2)

人無事,先做到世界冠軍。
地球無事,先可以人無事。
無人會否認,生活係一條選擇題,但問題係,點樣先至係最好嘅選擇。
氣候暖化,塑膠污染, 糧食危機⋯⋯地球人,最好嘅選擇,可能係齊心。
關愛地球第一章,大家一齊諗吓,香港點樣可持續發展?

是日Amazing嘉賓:
Devana Ng-Invisible Company


Ep.15 是夢想?還是幻想?(3/3)

喺疫情、移民潮夾縫中成長嘅香港青年人,就好似置身於狄更斯《雙城記》開場白中嘅情況咁,「這是最好的時代,也是最壞的時代」
因為疫情,大家多咗時間思考人生、機會亦隨之而嚟;當機會嚟喇,要追夢,行動力同樣重要。
但願我哋都保持心入面一團火,忠於自己嘅節奏同步伐,追夢三篇最後一章,大家一齊尋找夢想同理想。

是日Amazing嘉賓:
張嘉瑩(雞翼)-演藝學院戲劇學系畢業生|演員
Iverson-香港青年協會青年研究中心代表


Ep.14 是夢想?還是幻想?(2/3)

李小龍教落,做乜都好,要心志如水剛柔並重
Water can flow or creep or drip or crash. Be water my friend.
追夢,講財力,更加講心力。
從來所有成長都講求土壤,一片土地是否容許追夢。
在於客觀環境,亦在於隔離左右的心境。
今集繼續有兩位嚟自不同界別奮鬥努力中嘅嘉賓,一齊講吓年青人喺香港追夢嘅掙扎。

是日Amazing嘉賓:
張嘉瑩(雞翼)-演藝學院戲劇學系畢業生|演員
Iverson-香港青年協會青年研究中心代表


Ep.13 是夢想?還是幻想?(1/3)

周星馳話齋「做人如果冇夢想,同條鹹魚有咩分別?」
雖然好多人會認為夢想有分高貴或者廉價,但「追夢」就百分百係昂貴嘅消費。
多謝Mirror 出現,令大家發現追夢未必遙不可及。
但活喺資本主義社會下,想搏盡追夢,就點都要先面對現實。
今集就由兩位不同界別奮鬥努力中嘅嘉賓,一齊講吓年青人嘅基本生活成本。

是日Amazing嘉賓:
張嘉瑩(雞翼)-演藝學院戲劇學系畢業生|演員
Iverson-香港青年協會青年研究中心代表


Ep.12 靚相是怎樣煉成的

快門幾多,光圈幾多,燈打得夠光,人佔畫面幾多%⋯⋯影靚相,其實有無萬能Checklist?入行做攝影讀書係咪就讀到番黎?定要去深山拜師學藝? 今集,星級攝影師鄧英奇話你知:大師級靚相是怎樣煉成的。

是日Amazing嘉賓:鄧英奇


Ep.11 世紀難題:小朋友究竟諗緊乜?

世界上最難明白的語言,可能係童言童語。家長,老師,甚至只要係大人,都想大叫一聲:我睇唔透啊~ 今集,我哋決定用最簡單的方法,破解呢道世紀難題,就係直接面對面,向小朋友問個究竟!

是日Amazing嘉賓:祈祈, Lenis and Sarah


Ep.10 年青人話你知:私影是甚麼

年青人,究竟有咩動力,驅使佢哋去私影?私影,可以有幾主動,抑或被動呢?面對私影的正評與負評,行內人其實又點睇?

今集,我哋邀請私影模特兒,以第一身角度,為你拆解私影呢回事。

是日Amazing嘉賓:Yoko


Ep.9 獨自毒住讀咩好

Podcast需要仔!今集,終於有首位男仔嘉賓出現!如果只可以用一隻字,去形容呢位年輕男代表,一定係呢隻字:讀。

嗱,真心,冇第二個意思㗎,後生仔都可以好鍾意讀書㗎嘛,唔信你自己聽吓喇!

是日Amazing嘉賓:Oscar


Ep.8 你今日睇咗娛樂新聞未?

由電視的娛樂台,到網上的娛樂台,接受娛樂資訊的方式一直在變,但不變的係,鏡頭前後一樣咁Juicy!今集,兩位前娛樂新聞從業員,為你拆解娛樂新聞方程式,揭露鏡頭後的秘密~ 娛樂新聞,真係唔是咁簡單!

是日Amazing嘉賓:嚴崇天


Ep.7 咩叫藝術?好想藝術~(下集)

你今日讀到appreciation未~上一集就知藝術唔只係畫畫,音樂文字咩都可以係。今集講到牙謙最有代表性嘅舞台劇,點解年輕一代大多發現舞台劇好難明;疫情後舞台劇如何變化~

藝術嘅嘢,繼續跟輕量級女嘉賓,兼重量級男嘉賓,一齊學吓用唔同角度欣賞喇。

是日Amazing嘉賓:朱栢謙,吳少


Ep.6 咩叫藝術?好想藝術~(上集)

咩話?咁叫藝術?細個淨係知,畫畫叫藝術;大個先知,原來咩都可以變藝術。藝術嘅嘢,一齊學下唔同角度欣賞。由神話年代講到現今時代,今集,一於等輕量級女嘉賓,兼重量級男嘉賓,用各自的量度,講藝術呢回事喇。

是日Amazing嘉賓:朱栢謙,吳少


Ep.5 離港 / 留港 / 回港

靜宜,抑或靜香?不同時代,有不同稱呼,更有不同移民路線。今時今日,究竟有咩動力,驅使你離港,或者留港,甚至回港?Btw今集,靜宜真係來了!兼有神秘來賓助陣!

是日Amazing嘉賓: 靜宜


Ep.4 疫情下呢個職業最有「錢」途?

據非正式統計,提早暑假,抑或無了期WFH,Slasher都係咁有「錢」途,搵食冇難度?係真唔係,我哋邀請到當事人之一,有至少6種職業身份的嚴崇天,親身解畫!

是日Amazing嘉賓:嚴崇天


Ep.3 第十三個星座 – 關愛座

做人唔體貼,點搵另一半?做人咁體貼,一定有古怪?咪住!體貼的定義係咩先?


Ep.2 如果明天疫情便過去

如果聽日就封城,如果聽日病毒又變種;如果聽日就唔洗戴口罩,如果聽日疫情就消失;如果⋯⋯你有冇諗過「如果」會係點?


Ep.1 情人節的儀式

今日!創造歷史!!我哋出街了!!!堪比懷胎十月咁激動!因為第一集就講啲令人臉紅耳赤的嘢,唔知你哋頂唔頂得順!

今集講:情!人!節!無懼疫情,有咩嘢喺情人節一定要做?限聚令下,有咩妙計可以營造情趣?咩話,你話齋睇字已經耳仔紅?咁⋯⋯一於加重劑量,即刻開嚟聽喇!