移民 = 棄養？ 移民，對人嚟講，係另一條出路，但對寵物嚟講，就只係死路一條？ 今集《小誠大事》，主持奧米帶大家到訪阿棍屋，一個專門收養被棄養小動物的地方，睇吓移民潮下，寵物的命運，又有冇得揀。 #如果命運能選擇 #你又會點樣揀

有時會覺得，呢個世界根本冇人會明自己。 幾多煩惱，幾多壓力，幾多唔開心，點講都冇人明。不過，識到同路人之後，就唔係咁諗了。 好似呢班家長咁，雖然家家有本難念的經，但佢哋知道，只要肯講，就會有同路人明白，陪你一齊拆掂佢。有咩搞唔掂嘅，玩個Board Game可能就一天都光晒⋯⋯ #青協家長全動網 #親子桌遊活動

抗疫咁耐，已經慣咗，禁堂食咪嗌外賣，有返堂食，都仍然係嗌外賣。撳個掣嗌外賣容乜易，開個App乜都有得你食。 但對長者嚟講，嗌外賣其實真係可以好難，禁堂食都真係可以等於冇啖好食㗎⋯⋯ ＊「鄰舍有愛 ‧ 餸上門」眾籌計劃支持單位： 鄰舍第一｜香港青年協會洪水橋青年空間

過去一年，你過成點？ 放假冇得去旅行，放工冇得去睇戲，放學冇得約FD唱通宵K⋯⋯以前覺得：「吓，會人都癲㗎喎」，宜家？都已經不得不習慣咗。 不過習慣，就等於過得好？無論係學習定玩樂，大部分活動都移師到網上嘅呢一年，佢哋咁樣睇。 //「在家學習學術支援計劃」支持機構： // Snapask｜Art of Dove｜了了學。圓

你瘋搶防疫物資時，佢哋不動如山⋯⋯哪有錢呢； 你上堂悶到就嚟瞓著時，佢哋望住個signal，擔心緊幾時會斷線； 你呻緊WFH有返工冇收工時，手停口停的佢哋，羨慕緊你有工開。 呢場不知何時了的疫症中，基層的生活何止雪上加霜⋯⋯好在社會上有班有心人，陪佢哋一同抗疫，幫手搜羅防疫物資兼清潔家居～睇今集《小誠大事》，一齊關心身邊人！ 【北區家居防疫殺菌塗層消毒計劃】 贊助： 太古集團慈善信託基金 Germagic 支持機構： 健康行動 天主教香港教區教區勞工牧民中心(新界) 香港基督教女青年會秀群松柏社區服務中心 基督教香港信義會北區青少年綜合服務中心 基督教香港信義會靈合長者健康中心 基督教銘恩堂粉嶺堂銘恩園服務中心社區資源網絡 打鼓嶺耆樂會社 路德會石湖社區發展計劃香港路德會社會服務處

「唔洗急，最緊要快。」 行路要摩打腳，食飯要快靚正，瞓覺更要講效率。香港人，你唔攰咩？ 攰，梗攰，咁可以點？攰，就梗係要唞一唞。假如街頭巷尾咁啱有架解憂號，一於走上去，唔理三七二十一，唞唞先。唔知解憂號係咩嚟？睇片你就知。 M21全新節目《小誠大事》，四出尋訪關愛行為，想話你知，善意再小，都可以溫暖世界。