《可以Hea的話都要郁》第三輯 - 第三集：芝士熔岩（鹹麵包製作法）

生活可以Hea的話都要郁第三輯 - 第三集：芝士熔岩（鹹麵包製作法）

第三輯 - 第三集：芝士熔岩（鹹麵包製作法）

播放日期: 2020-06-08 21:00

乜都落芝士，乜都要拉絲？其實芝士唔係萬能Key，要同食材互相配合，先發揮出最佳「芝」味㗎。

一於睇吓Big Grains 品穀烘焙師Andrew點製作芝士熔岩，烘焙出「芝」味十足的麵包喇！

可以Hea的話都要郁節目簡介

無聊日子，Hea到世界盡頭，都要起身郁兩郁！

更多+

可以Hea的話都要郁更多影片:

第三輯 - 第四集：提子麵包（甜麵包製作法）

生活太苦，總需要一點甜嚟調劑。不如跟Big Grains 品穀烘焙師Andrew，整吓提子麵包（甜麵包製作法），為生活增添些少樂趣喇！
第三輯 - 第三集：芝士熔岩（鹹麵包製作法）

乜都落芝士，乜都要拉絲？其實芝士唔係萬能Key，要同食材互相配合，先發揮出最佳「芝」味㗎。一於睇吓Big Grains 品穀烘焙師Andrew點製作芝士熔岩，烘焙出「芝」味十足的麵包喇！
第三輯 - 第二集：生吐司

每朝早餐都Hea Hea地，求其買個包。長年累月之下你會發現，是但揀早餐，就等於中門大開，由得啲脂肪霸佔你的身體。與其煩惱點揀早餐先夠健康，不如試吓自己落手落腳整？一於睇Big Grains 品穀烘焙師Andrew不藏私的吐司教學，學返兩招喇！
第三輯 - 第一集：法棍

前排大家爭做廚神，中西美食乜都煮。但發現無論睇幾多教學，試煮幾多次，都總係有啲問題解決唔到？例如法棍麵團點先可以搓到人哋咁光滑？幾時先叫完成發酵？睇片跟Big Grains 品穀烘焙師Andrew學識整麵包的基本原理喇！
第二輯 - 第四集：拜日式

復工第一日，久違咁轉車再轉車，迫盡巴士地鐵，已經攰到唔想郁。今晚返到屋企，一定要Hea返夠本。Hea到夠，就一於跟伍熹賢 Kate Ng學返招拜日式，伸展吓喇～
第二輯 - 第三集：一字馬的預備動作

一周內三次零確診，彷彿見到就嚟可以Gathering的曙光。不過，心情Ready，身體都要Ready。唔想第時同朋友聚完，都要抖返兩三日先回到氣，就一於跟伍熹賢 Kate Ng郁一郁喇！
第二輯 - 第二集：改善腰背痛訓練

要Hea得精彩，首先要夠忙。但疫情之下，忙極似乎都係砌自己個島。想有嘢充實生活，不如捉完狼蛛，探完朋友之後，就跟伍熹賢 Kate Ng一齊郁，拉一拉筋然後再Hea。
第二輯 - 第一集：改善肩膊僵硬及駝背訓練

宜家日日都似放假咁，無了期Hea喺屋企。雖然Hea無止境，但身體唔郁好易老！一於睇我哋全新一輯《可以Hea的話都要郁》，跟伍熹賢 Kate Ng學吓伸展大法喇！
第一輯 - 第八集：腹部肌肉訓練

有冇發現呢排朋友成日Throwback旅行相？除咗真係掛住去旅行之外，可能係因為...宜家肥咗唔適合Po相。唔想成日Hea喺屋企，搞到身材走樣，就快啲跟Poyi做腹部肌肉訓練喇！今集就係Poyi教健身的最後一集了，希望有跟開Post的你已經訓練有成，Hea少啲喇～教練Poyi IG: poyiiib
第一輯 - 第七集：腹部肌肉訓練

有時人與人之間的差距，唔係金錢，唔係外貌，唔係智商，而係自制力。當大家都留在家中，點解有人可以Fit過之前，有人就Hea到肥肉橫生？兩個字講晒：恆心，Keep Fit係要堅持㗎，一於日日跟Poyi做腹部肌肉訓練喇！教練Poyi IG: poyiiib
第一輯 - 第六集：心肺耐力訓練

「好想出街做運動吖……」做運動唔一定要出街嘅，呢排確診數字日日飆升，為人為己都係 #StayAtHome 喇。只要有心，喺屋企都可以做運動！一於跟Poyi做心肺耐力訓練，既留守家中又繼續Keep Fit~ 教練Poyi IG: poyiiib
第一輯 - 第五集：雙人訓練

過完白色情人節，食完餐好嘅，唔只心Sweet晒，連身體都幸福肥埋...... 唔想由閃爆情侶，變成肥爆Couple，不如一齊跟Poyi做雙人訓練，Keep Fit兼增加情趣喇！教練Poyi IG: poyiiib
第一輯 - 第四集：臀部肌肉訓練

一對情侶行緊街，女仔諗住睇吓啲短褲，點知畀男友阻止。男友：「仲有排啦。」，女友：「梗係唔係喇，話咁快就夏天，宜家買定啱㗎了。」，男友望一望女友全身，壓低聲量細細聲講：「我講緊...你仲有排先著得落啊...」然後，女友嬲到即刻跟Poyi做臀部肌肉訓練，誓要努力Keep Fit！教練Poyi IG: poyiiib
第一輯 - 第三集：臂力訓練

最近唔少高人都教大家幾招，令口罩耐用又Level Up，幫大家保持身體健康。可惜招數太高深，蒸口罩同加持法，未必人人都學得識。不過，辦法總比困難多，跟Poyi做臂力訓練，一樣可以強身健體！教練Poyi IG: poyiiib
第一輯 - 第二集：腹部肌肉訓練

停學都有Monday Blues，咩都唔想做，淨係想Hea喺到。不過，Hea的話不但未必KO到Monday Blues，分分鐘令你嘅敵人過個Happy Monday! 邊個？咪係你腰上嘅肥膏囉！唔想畀肥膏得逞，今集就跟住Poyi練下腹喇！教練Poyi IG: poyiiib
第一輯 - 第一集：腿部肌肉訓練

郁抑或唔郁，從來都唔關場地事。獨留在家，花時間煲劇，定做運動，只係動力問題。無聊日子，Hea到世界盡頭，不如跟教練Poyi Step by Step做運動！唔想一肥毀所有，就記得每個星期一跟住做了！教練Poyi IG: poyiiib

精選影片

關於M21

M21服務

M21 Blog