香港人生活繁忙唔使我講係人都知，日日返工返學做功課OT
放假梗係把握機會出國玩盡食盡買盡relax盡，先至對得住自己嘅辛勞
咁玩雖然係好開心，感覺好享受生活
但其實隔一排，想諗翻自己上次旅行做過啲乜，真係要睇相先記得
幾年前因為工作關係去過烏茲別克
喺當地識咗個女導遊，而家做埋我嘅好朋友
話說當時係烏茲別克俾人偷咗部GoPro
導遊姐姐就陪我去報警（小編係女人）
因為當地人做嘢真係極之慢嘅關係
導遊姐姐同我最後用咗2日時間逗留咗係警局
當然我哋就傾咗好多計，所以而家做咗好朋友
唔知大家有冇試過去旅行識新朋友
嗰種感覺真係好開心、好特別
起碼到而家，唔駛睇相都仲記得嗰陣嘅一點一滴
旅行嘅機會可能好多
但喺外地結識新朋友嘅機會又有幾多？
旅行嘅同時，不妨試吓走出comfort zone
結識吓當地人，交個新朋友啦！
