Hit Count is 19657.


旅行日期: 2016/05/16

Hea遊

訓到自然醒,係件好幸福既事。覺得肚仔餓,就去揾野食。紅場附近有間餐廳大大間,坐位闊落,揾咗個坐近窗口既位,叫杯野飲,望住窗外風景,難得寫意。叫咗個魚肉餃子pelmeni 同 elf and deer with pelmeni 再配個酸忌廉醬好好味但好飽肚。後來肥蟲二見到個木槺蛋糕好吸引,又叫多咗個嚟食其實係tiramisu先岩,不過肥蟲一就覺得佢媽媽整好味啲囉~imageimage

有睇post都知道我地去咗幾轉紅場但其實都係去咗紅場既外圍,並無入到入面睇。難得今日有時間,一於入去睇睇俄羅斯重要行政地方。順帶一提armoury chamber 同 great bell tower都係有人流限制架,賣晒就停止賣票,所以要睇既話要早啲。image

imageimageimage

image

image

去完紅場都係晏晝三點幾,上網揾揾下見到有個跳騷市場Izmailovsky Market,網友指呢個市場價錢比較便,於是我地就去咗打個白鴿轉。

image

行咗唔少賣俄羅斯娃娃既鋪頭,睇嚟睇去都係呢間舖頭既俄羅斯娃娃最合眼緣。唔買俄羅斯娃娃都唔知自己有選擇困難症,覺得呢個造工細緻又覺得另一個外觀吸引,另一個價錢又合理啲,個職員又攞呢個又攞另一個俾我地睇,仲要開晒咁多個俄羅斯公仔由大至細排晒出嚟。搞咗一大輪連我地都覺得唔好意思,最後終於決定好,買咗三個俄羅斯娃娃返香港做手信。

image輕輕鬆鬆行完街,去咗附近一個food court食KFC。一望餐牌先發覺香港既KFC幾咁貴而且呢度仲有唔同醬料可以揀,除咗茄汁仲有芝士、蒜容咁。一攞起隻雞翼,熱辣辣食落仲外脆內軟,食得出完全係新鮮炸既,香港果啲係人都食得出番炸過好多次…俄羅斯KFC質素價錢都十分好,完全係意外收獲!

返hostel搭地鐵途中搭咗一架一邊擺放咗畫作既列車,唔止一個車廂而係每個車廂都擺咗唔少畫作。第一次見到用車箱既空間作為藝術用途,成個概念好新鮮特別,亦睇得出俄羅斯既藝術氣氛濃厚,絕對係香港應該借鏡既地方!

image

今晚早啲返去休息,聽朝出發去莫斯科外的小鎮。



背包客資料

自從我倆在日本九州嘗試做了第一次背包旅客後,明瞭旅行不止玩樂,更在於與當地人及其他旅遊者的交流,自此便對背包旅遊深深着迷。不同於普通走馬看花的旅行團,背着背包平實走進社區、結識不同背景的朋友、了解彼此的故事。每次的背包遊,認識到的朋友往往成為旅程的亮點。是次旅程我們有機會接觸當地接待家庭、協作單位和受助人士。我們計劃當沙發客,入住莫斯科接待家庭。從中窺探當地人的日常生活,的相處中彼此可作文化上的交流,例如飲食和分享社會議題。我們亦認為在旅行的同時可回饋社會,履行世界公民的責任。在過程中,雙方互動建立互信,友誼非公式,往往出奇不以,卻深刻真摯。
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.