係立陶宛渡過左佢地既獨立日，由於當日既氣氛好好，迫爆哂成個城市，我地以為係佢地最重要既節日，但同當地學生傾過先知原來節日氣氛最濃厚最重要既節日係聖誕，原因係因為佢地既宗教。

立陶宛最主要既宗教係羅馬天主教，所以聖誕節係佢地最重要既節日，唔怪之得係過左成兩個月有時仲會係街邊見到聖誕樹喇！

而當佢地問我地香港有咩節日既時候，我諗左一陣。因為香港好多節日好似聖誕節，復活節係西方都會有，而農曆新年係其中一個氣氛最濃厚既節日，而且有中華文化既特色，係立陶宛，西方國家唔會體驗到既。所以我地就同佢地介紹左農曆新年既傳統習俗。

係未出發既時候，佢地漢學學生已經話好想知多D 關於中國節日，傳統等等。所以我地已經準備好哂揮春同毛筆同佢地一齊寫揮春 😀

佢地雖然知道咩係揮春，但係唔知道揮春應該寫D 咩，所以佢要用Google 出貓

佢地話下個星期已經有漢學考試，希望拎到獎學金去中國exchange，所以上圖就教緊佢地一句「大學雞揮春」用語—「過三爆四」，希望佢地成績理想喇！

寫完揮春我地仲封左「過三利是」比佢地，因為入面有$1.3，佢地收到之後好開心，話係第一次見到港幣:D

佢地寫既揮春