重點任務同新加坡Sketchers一齊Sketching o既任務今日正式展開，原本我地已經係Facebook邀請左一班Singapore Urban Sketchers參與我地o既行程，不過因為大部份Sketchers都已經去左Manchester參加一年一度o既Urban Symposium，未能參與。當我地就打算獨自行動個陣，竟然好幸運咁收到Mr Z(Zolo Enide)Message，原來佢已經黎到左牛車水，可以同我地一齊畫畫，於是我地當然唔會放過大好機會啦！！！

當Zolo黎到 ,佢身邊仲有一位女友人Sweta，原來Sweta係車站見到Zolo畫緊畫，走去認識佢之後仲比Zolo邀請一齊同黎畫畫添！Sweta原來係一位本地著名設計師丶畫家，曾經製作新加坡景點Garden by the bay模型，雖然佢唔係專門畫城市速寫但係佢都好樂意同我們一起畫順道便發挖創作靈感。Sweta仲推介左好幾個本地畫家比我地認識，甚至比佢地o既畫作比我地睇，好好人！

大家了解完對方o既背景之後，兩位就帶我地去左馬里安曼都廟畫畫，雖然天氣好熱，但係都無影響大家畫畫！

與Sweta一起畫畫畫

與Zolo及Sweta速寫後來個大合照

由於Sweta要打理自己的畫廊，所以畫完馬里安曼都廟就離開了～Zolo就再帶我地去一處叫安祥山(Ann Siang Hill)o既花園平台欣賞新加坡o既高樓大廈

蘇珊好喜愛小花～～～

Zolo亦同我地分享左佢自己o既故事：佢本來係香港出生o既混血兒，因為爸爸工作需要同長大後就讀美國學制學校，所以先後係中國昆明定居五年同新加坡生活。岩岩係建築學系畢業兩年，性格率直自由o既佢表示，未來將會去唔同地方逗留幾年及找工作。Zolo同我地都係香港出生卻因為不同原因黎到新加坡，又藉著共同興趣而相遇，實在難得！我地寄望係之後幾天o既自發及新加坡團體活動中，能夠再與更多本地o既Sketchers會面，及分享「他們的故事」比大家！

是日精華：

豆腐人係牛車水買到由Urban Sketchers Singapore繪畫China Town集合而成o既一本書，希望到Sketch walk當日可以遇到相對應o既畫家同得到佢地o既簽名啦～～！