文萊熱帶雨林之旅 – The Backpackers

旅行日期: 2016/07/29 09:00

文萊熱帶雨林之旅

從市中心bansar到ulu ulu tempurong national park，要先坐45分鐘船到tempurong，再坐15分鐘的車到通往熱帶雨林的一條河流，然後再乘一艘漁船穿越彎彎曲曲的河流扺達留宿嘅基地，整個基地嘅設計非常簡陋，就只有一兩層木撘建嘅棚架，上層係我地用膳嘅地方同睡覺嘅帳篷，下層就係通往河流嘅平台。

我地甫抵達營地就受到導賞家庭嘅熱情款待，並馬上可以享用導賞家庭早為我地準備熱騰騰嘅午飯。

午飯過後便係行山嘅時間，導賞員帶領我地往基地嘅後山進發，由於熱帶雨林受到政府嚴格嘅保護，所有人不得擅自改動或破壞園內嘅一草一木，整座山嘅原貌都得到完整嘅保留，亦因為咁，陡峭嘅山路變得份外難行，導賞員叫我地grasp anything we can，整段路只能靠徒手捉緊眼前嘅根莖甚至泥土好讓自己不要向下滑。雖然過程無疑係吃力，但係沿途嘅風光同完成過後嘅成功感絕對係非筆墨可以形容。

熱帶雨林另一重點就係晚上嘅夜行活動，貼心嘅導賞家庭為我地準備好頭頂電筒，我地係漆黑一片嘅河流上坐着漁船出發發掘夜間嘅生物，摸黑徒步走喺溪間上，我地發現到青蛙、撞石產卵嘅魚、夜間出沒嘅蜘蛛等等，過程既驚險又刺激，最印象深刻嘅係抬頭看見一顆又一顆巨大嘅星星，從未試過感到同天上嘅星星距離可以咁近，令身為都市人嘅我地無不讚嘆。

行程另一重點就係翌日上山觀賞日出，早在4點我地已經要起床，天未光便乘船到ulu ulu national park嘅山腳，再走過996級樓梯上山頂睇日出，只可惜天公並沒有做美，走了三分之二嘅樓梯後忽然下起大雨，走到上山頂後因雲層遮蓋嘅關係無辦法睇到日出嘅風光。但係不得不提山頂滿佈地衣嘅關係，越往高處走空氣就越清新，係山上每吸一口氣都係一種深刻嘅體會。

導賞家庭原本居住在tempurong市內，一年前才獲聘到熱帶雨林當嚮導，每當有遊客報團他們才留宿在營地，包括其兩歲的兒子ameo，雖然ameo與我地言語不同，但經常向我地報以好奇的眼光及靦腆的笑容，每當我地進行水上活動，佢都要走到淺水嘅地方同我地玩水，赤著腳踢著水就係佢快樂嘅泉源，見到佢燦爛嘅笑臉同蹦蹦跳嘅身影，忽然發現也許文萊小朋友嘅快樂遠比香港小朋友簡單，佢地唔需要電子產品、唔需要豐富物質，只係跟家人留宿係熱帶雨林一晚、閒時走到河邊嬉水已經足以令佢樂上半天，值得身處大城市嘅我地借鑒。