小小小義工~~~

今日參加左一個環保義工活動，而遊戲地點就係係莫斯科其中一個最大嘅公園-Izmaylovsky Park。

我地行緊入去個公園就係到諗，邊到有垃圾…明明就好乾淨，重會有松鼠行埋去你身邊搵你攞嘢食:)。點知我發現我錯啦，原來森林入邊係有好多好多垃圾架，有好多人燒完嘢食就留低晒啲酒瓶、燒烤爐、膠袋…。

我哋幾個被分為三組，同當地義工一齊比賽。俄羅斯人真係不負戰鬥民族呢個名，大家都好落力咁樣四圍揾。同埋其他義工都好落力，所以我哋都唔敢怠慢!!!不停行入唔同嘅森林仔去尋找唔同種類嘅垃圾，我地最後不過不失得到第六名。

希望今次嘅活動令到更多人知道垃圾分類同埋唔好亂咁丢垃圾嘅重要性。

想知我地聽日有咩搞，記住密切留意我哋呢個blog啦。доброй ночи 😉