高原旅程既第二日

我地一早係阿富汗邊境 塔吉克斯坦境內既河邊食完早餐 ，同當地民宿既小朋友道別，之後就繼續搭住司機Joomart既車，沿著阿富汗同塔吉克斯坦既境界奔馳。

沿住邊境既河，我地沿途眺望住對面岸既阿富汗村落，仲有阿富汗境內既高山同雪山，真係令我地好感歎。

中午我地停係環山之間進食午餐，食左中亞國家非常道地既Polv，其實係一啲炒飯加蔬菜，例如椰菜、紅蘿蔔等等。其實本身中亞國家氣候乾燥，較難種植新鮮綠色蔬菜，反而盛產薯仔，所以好多時進餐都會有薯仔，但較少有青菜。

下午我地就到左帕米爾高原首都 霍羅格，放低行李後我地都急不及待去市區行下佢地既當地市場Bazaar，見到啲西瓜一個個貨櫃咁樣俾人買，仲有好多不同種類既水果添！