一早起身，就有當地民宿女主人為我地準備左特色早餐，包括牛奶鹹粥、Chaka Pancake同新鮮水果，當然唔少得每餐都有既紅茶啦！

食飽早餐，司機大哥就帶我地去當地既 Tourism, revival of national handicrafts and enterprise development centre，裏面有各式各樣由本地婦女手製再帶去寄賣既手工藝品，例如陶瓷碟、掛飾、散銀包等等，我地為左支持當地婦女自家手藝，當然買左啲翻香港當手信啦！

由於塔吉克斯坦亦屬地殼活動頻繁地區，故此當地人除左話我地知該處時有輕微地震，原來亦為佢地既旅遊業帶黎商機，就係地熱溫泉喇！司機帶我地去左兩個溫泉，分別有户外同室內，我地都透過短短十多分鐘既溫泉紓緩左日前行山同日日趕路既疲勞。