今日我地搭當地非常常見既Shared Taxi（即係我地係香港俗稱既：泥鯭的），即係係固定既地方會有司機等到車滿座（四人／七人）先開車去同一個地方。我地就由Osh搭左接近十二個鐘去到吉爾吉斯坦既首都Bisheke比什凱克，都真係坐到我地都腰酸背痛。不過我地都要越過高山先可以由Osh去到Bisheke，所以一路上我地都不時見到沿途有雪，而且有好多靚既風景同不同既岩石地貌，所以一啲都唔覺得悶，仲可以一路學下 溫下我地既地理知識添!

我地去到Bisheke，見到個到有好多廣闊又多植物既公園，可以見到唔少當地人都係樹薩下散步或者係長椅下避暑，可見吉爾吉斯坦雖然經濟發展程度不高，但佢地既綠化同公共空間都做得十分好。