Hit Count is 10694.


旅行日期: 25-10-2016

俄國特產話你知

IMG_8773IMG_8774IMG_8775DSC01044DSC01045DSC01345DSC01346DSC01482DSC01040DSC01041

今日我地黎到Izmailovsky Market,據聞佢賣的手信紀念品種類全俄最多,我地決定要一睹為快辨真偽! 根據去之前查到既資料,Izmailovsky Market內的大部份攤位只會在周六、日營業至4點,所以我地把握時間,由皇宮廣場走之後直接趕過黎。黎到既時候我地望住Google map遲疑左一陣,唔係話露天市場咩,點解咁似遊樂園既?! 不過我地行到入去,就發現原來係別有洞天,由好多形形式式既小攤檔,賣緊唔同既工藝品:有手作既陶瓷娃娃,毛毛大衣,保暖衣物,雕塑畫作等等,全部都充斥著俄羅斯出品的特色,不過由於接近傍晚時分,有好多店鋪都執緊野,為收舖做準備。我地簡單行左幾條街,認識下本地的藝術品,又問下價,發現真係比起市區普通既商店平至少2倍,難過好多人都會慕名而來,掃最平最合理既手信返去。

大家留意下 商店擺放俄羅斯娃娃既設計係別出心裁既,由大到細順序排列,更將同色同系既放埋一齊,除左可以整齊容易辨認之外,最重要係可以吸引客人既眼球,所以話包裝呢個都係有效既推銷既手法之一黎架。我地行下行下,Joyce見到一頂全用毛毛製成既帽,好感興趣,老闆一見我地攞上手,二話不說就幫她戴起,仲攞多一頂同款唔同色既比我帶,然後不聽話“perfect!“我地2個即時就呆左,又唔好意思講我地只係看看而已,他見我地無乜反應,繼續落噱頭,話呢頂帽係特製,用上等兔毛整,第二度搵唔到架,如果我地要2頂,就計平D比我地……我地當然想婉拒,就禮貌咁話再考慮下,於是他開始叫我地開個價,合理就賣,哇!呢個咁積極既人員銷售咁似內地殺價時用上既,面對他既熱情營銷,好想做成一單生意,我地見勢色唔對,就趁機走人先!

仔細回想老闆講既野,呢邊既衣物多數都以動物的皮/毛製成,成本最低既有兔毛,然後是狐狸毛,最後就係只有係北方才會出沒的貂毛,聽說尤以紫貂最為珍貴,做成裘衣最為保暖。但近年過量獵殺野生動物製成紡織品已導致生態失衡,物種頻臨滅絕,各國都響應環保,禁止濫殺動物,到底它們在不在受保護之列? 我們訪問過本地人,他們說毛裘的確是保暖,而且穿起來很時髦,皮種越貴,越能反映身價,因此很多人仍然會選擇購買和 它們穿在身上,這在俄羅斯係一件普通不過的事。他續稱,雖然現時越來越多年輕人關注保護動物這個議題,但由於他們仍偏向迎合社會對時裝和身分的標準,對這些毛裘的需求仍然佔很大比例。這令我們反思,到底時尚真的可以凌駕一切嗎?難道沒有任何替代品可以取代毛裘? 現在科技先進,動物毛與人造毛仿真度極高,為了與環保出一份力,他們是否要嘗試改變一下這個長久以來的‘壞‘習慣?



背包客資料

兩個年紀相若,懷著共同奮鬥理念既女仔,因緣際遇下在海外成為同窗室友。我們喜歡認識世界各地的文化,深信遊歷是學習的最好方法;交流是了解彼此的最佳竅門。是次決定來一趟說走就走的旅途,走訪鮮為人熟知的俄羅斯,接受與戰鬥民族一起生活的挑戰
旅遊貼士:
遊記分類 :
地區分類 :
俄羅斯
洗費:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.