Hit Count is 19664.


旅行日期: 2016/05/08 18:00

出路遇貴人?

由香港飛伊爾庫次克,係北京轉機既時候,發現原來轉機去北京係要用回鄉証!聰明既隊員肥蟲二無帶到,同入境公安周旋一輪,都係無結果……後來得航空公司職員協助,為咗俾我地轉機而開咗個轉機關卡!由檢查護照、安檢到坐穿梭巴都係得我地兩條肥蟲,去到轉運大樓仲有職員親自接待!雖然先前害怕無回鄉証,而濟留遣返既驚魂未散,但後來周全既安排總算係打返個和啦~

image

由北京前往伊爾庫次克,於飛機上看到俄羅斯的山脈。

image

伊爾庫次克機場

前前後後唔計轉機,搭咗七個鐘飛機終於到伊爾庫次克(Irkutsk) 落機後首要兩個任務係買電話卡同兌換盧布(RUB)。機場內有間買電話卡既舖仔Beeline。店員一位哥仔對於我地以英文問既問題都沉默是金。大家一定以為俄羅斯人好冷漠,非也非也。因為佢選擇以電腦Google translate俄文去英文俾我地睇,我地及後既對話都有頼科技既先進,以達成我地今次有效既溝通。呢位IT達人唔止先進,而且窩心提醒我地旅客要注意既事,完全融化咗佢冰冷既外表。

另一任務兌換盧布更為艱鉅,肥蟲二誤信網上謠言指機場一百米有兌換地方,幸好一問停車場老闆先知原來相距甚遠。車場老闆後來叫一位的士呀哥車我地去最近銀行。一心諗住終於換到錢,點知入到銀行無人,得幾部atm,無申請國際atm㩒錢既肥蟲二人,內心同表情一致地o嘴 無奈地用google translate 同的士呀哥講㩒唔到。佢再帶我地去另一間銀行,結果都係得atm。如是者行咗五六間,佢作為一位當地地膽,問咗唔少人終於揾到一間有得兌換盧布。佢仲用自己護照幫我地兌錢!雖則的士呀哥衣著行為外貌似飛仔,但佢既熱心相助,証明就算似飛仔都可以友善,再一次證明睇俄羅斯人唔可以睇外表!兩項首要任務完成之後,佢就車咗我地去中央車站。正當以為終於達陣可以搭車去Olkhon Island之際,果然波折係唔會咁易平伏……

image

中央車站

image

的士呀哥

去到中央車站同售票員講去Olkhon Island,點知職員話最後一班車10點幾已經離開咗,當時係12點幾。肥蟲二人既心呢一刻裂開咗……職員後來有提到有minibus去Olkhon Island,但佢唔知幾時先會有車,可能十分鐘,一個鐘,可能無。我地都唯有去車站出面等奇蹟。車站附近企咗一啲的士司機,佢地不時走過嚟問我地去邊,又同我地講已經無車,唯一方法就係搭的士入去。但一問價錢之下,都係等奇蹟出現吧啦~後來肥蟲二終於大派用場,醒起可以打俾hostel求救,肥蟲一二話不說就打咗去。交談後就知道原來佢幫我地留咗兩個minibus既位2點接我地去。原來奇蹟係會發生架!

image 去Olkhon Island 途中要搭船過對面岸,車都係直接車入船裏面。

預計六個鐘車程,經minibus司機風馳電掣駛到Olkhon Island,實際用咗四個鐘,直接駛到我地呢兩晚既住宿-Nikita Homestead 呢度貫徹西伯利亞既木建築特色,房間設計令肥蟲們經歷多番波折後,有家既感覺。

image Nikita Homestead

image

image 特別門鎖設計大開眼界,以轉輪型式把輪逐一轉到正確密碼。image 由於西伯利亞長期處於嚴寒天氣,木為當地豐富原材料而且能夠抵受接近一百度的溫差,多以木建屋,但木之間狹縫會透風,因此以黃色膠填補空隙保暖。



背包客資料

自從我倆在日本九州嘗試做了第一次背包旅客後,明瞭旅行不止玩樂,更在於與當地人及其他旅遊者的交流,自此便對背包旅遊深深着迷。不同於普通走馬看花的旅行團,背着背包平實走進社區、結識不同背景的朋友、了解彼此的故事。每次的背包遊,認識到的朋友往往成為旅程的亮點。是次旅程我們有機會接觸當地接待家庭、協作單位和受助人士。我們計劃當沙發客,入住莫斯科接待家庭。從中窺探當地人的日常生活,的相處中彼此可作文化上的交流,例如飲食和分享社會議題。我們亦認為在旅行的同時可回饋社會,履行世界公民的責任。在過程中,雙方互動建立互信,友誼非公式,往往出奇不以,卻深刻真摯。
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.