旅程嘅第3日,早上4:30am出發，坐Tuktuk到Angkor Wat (小吳哥)，沿途非常少街燈，幾乎伸手不見五指。

不過有好多Tuktuk 同單車，全部人都有同一個目標，睇日出！！

（前往Angkor Wat嘅路上，Angkor Wat護城河）

（落咗Tuktuk，前往Angkor Wat水池邊嘅路上）

落咗Tuktuk要行一大段路先去到水池，到達嘅時候天色未亮，但已經有大批人企係水池前等日出。小吳哥寺水中的倒影很美麗，真係好似一幅水墨畫。

等等等等。。。期間不斷有蒼蠅攻擊我！！有啲想崩潰。

不過太陽慢慢升起，燦爛的陽光一點一點照在小吳哥寺，水池的倒影，的確令人震撼同感動。

小吳哥果然係公認吳哥窟最佳的日出觀賞點！！