千呼萬喚我地o既尋找星洲之旅終於揚帆起行，隊員陳總聽日就會匯合我地展開為期７日o既歷程

同行o既仲有小雞同豆腐仔，兩個第一次一齊同行，唔知會擦出咩火花呢～？

很好運，我地乘搭o既個班機竟然早左45分鐘到埗！朝早5點就抵達左新加坡樟宜國際機場～

第一步就係要買電話卡同車飛喇！但係蘇珊同豆腐人都未黎過新加坡，迷迷惘惘周圍搵計落搞左成粒鐘終於比我地成功買到曬可以起行喇～～～～～～～

特別推介比大家以下呢張電話卡，有唔同既上網plan比你選擇，靈活性高而且仲可以打埋電話添！為左搵佢，我地由T1行到去T2，原來新加坡機場都幾大架。。。而且張卡仲要係係currency exchange既櫃檯到買，真係估佢唔到～要記得問佢有冇S15呢種，因為佢Ｄ廣告燈箱係完全無顯示有呢個銀碼既卡架！！

新加坡人o既友善隨處可見，佢地服務既態度亦很好，係機場我地到處都會見到下面呢部意見機，上至入境個counter，下至一個小小既花圃都有比你即時表達對佢地服務o既意見，好貼心～

下一站。。。。。。烏敏島

烏敏島 Pulau Ubin　－　係位於樟宜機場附近既一個小島，係一個擁有多樣物種o既自然保護區

於是我地兩個就係機場出發喇！！但係原來新加坡既巴士係唔會有到站提示亦唔會站站停，結果我地兩個遲左落要行番轉頭，不過因為咁就無意中黎到一個小沙灘，原來個沙灘都有我地中國人既歷史架！日本侵華原來都有黎到新加坡呢邊，歷史知識增加了=]

幾經辛苦終於都搭黎到烏敏島～～～由於蘇珊我唔識踩單車，所以就唯有步行，欣賞下自然風光，仲有好多蝴蝶飛舞同小鳥吱吱喳喳咁叫添～～豆腐人亦畫興大發，畫左幾幅畫添。