Hit Count is 8403.


旅行日期: 28-10-2016

藝術社企新啟示

DSC01571DSC01556DSC015579o0W8DCuXCYL1w-m3vgZ0Y1Unknown

本次任務到訪既係一間俄羅斯初辦社企,anton is right here係一間成立左3年,幫助自閉症人士的創意藝術中心。今次既任務係想透過探訪社企了解到他們的日常運作,交流同分享我們的營商心得同意見。跟著地址走,我地初初以為自己去錯地方,點解附近咁似民居既?但原來搵下搵下,先發覺佢位處於一個不顯眼的地方,無門牌無標記,難怪難找(俄羅斯好多地方都係咁,之前住HOSTEL都搵左好耐)

敲門後,迎接我地既係一個年輕既女仔,她一見到我地,就同我地用英文say hi,我地心諗:咦 點解你會識講英文既!? (原諒我地既驚訝,因為黎左俄羅斯一半以上既時間,接觸過識講英文既人唔夠5個)。Victoria就同我地解釋,佢係呢度既學生義工,平日得閒既時候就會過黎幫手,而佢係大學有修英文,知我地今日會黎做探訪,所以機構就派她招待我地(太有愛!)入到去,原來又係令一個世界,至少裝潢似返一間中心,面積好大,同外表截然不同。Victoria話比我地知,呢度第一個規矩係要安靜,因為學員都係自閉症患者,需要一個寧靜既空間學習同工作;第二,因為他們都會有D怕陌生人,為免影響他們的情緒,佢會建議我地係探訪課室既時候靜靜觀察,佢一邊細聲講解我地知他們既活動。

第一個班房係美術室,學員們都好專注咁製作緊他們既畫作,當中會有義工從旁指導,Victoria同我地講,自閉症患者唔鍾意同人溝通,但其實都有自己既一套想法,繪畫就係洞察他們內心世界既方法之一,所以呢個美術工作坊就係比他們表達情感,發展所長既起點。有D學員既傑出畫作更會被中心作慈善用途拜訪展覽,希望建立他們既自信心同幫他們重新投入社會。 而第二個班房,亦係最大既一個,就係演講室啦,呢度係用黎比嘉賓/“畢左業”既學員進行演講, 上課同舉辦社交活動既地方。我地入到去既時候咁岩有講座,不過由於係俄文,完全聽唔明,Victoria同我地講,學員每日除左做手工,剩低既時間就會黎呢度學習,而講者主要係分享他們的心路歷程和在社會工作的經驗,有時都會大家一齊玩下遊戲,訓練他們既合作和溝通能力,希望可以鼓勵到一班年輕學員勇敢踏出社會。

參觀完中心,已經係中午時分,Victoria提議我地去附近既餐廳食飯,邊食邊講。稍後時間,我地問及關於中心日後既發展,會有什麼未來計劃擴大規模,讓更多同類患者受惠,Victoria說機構其中一個大型企劃案正有意為學員提供住宿津貼,助他們“上樓”,寄宿服務提供專人看管照顧,讓他們一站式把學習和起居生活連結起來,除了社交生活環境得以改善,同時亦可減輕家人的負擔。

聽上去好像很不錯,但我們對此有疑慮:畢竟社企只是初辦數年,籌募經費方面會否有阻力?Victoria坦言,政府對自閉症患者的支援很少,能批下來的補貼別說支持新企劃案,連維持中心經營也有困難。所以中心一直致力透過社交媒體,把活動和近況透過網絡傳播開去,同時亦會走訪各大學進行宣傳,招募更多跟她一樣的義工幫忙,盼望有心人在看到信息後可以進行捐助。我們再追問:成效如何? 她說短短幾年,有數十名義工包括她在內參與這項義務計劃,但資助者人數和金額遠遠不及所需資金數字,她也希望將來有更多人願意關注自閉症患者和募捐,讓更多人能夠得益,我們向她倡議帶話與機構營運者,聯絡世界各地有共同理念的組織,透過協同效應,讓更多人知道和留意這群minority。

此次的探訪確實給了我們很大的啟示,一直以來,我們對自閉症患者的認識不多,甚至無意中忽視了這個弱勢社群。殊不知在外力協助下,他們亦可以跟常人無異般學習,生活,甚至比一般人活得更精彩,貢獻社會。 然而在現今社會,不論是聖彼得堡,還是香港,大眾對他們的關注和支援仍是少之又少。難能可貴的是,有一群熱心人,他們自發地成立一些社福組織,為他們雪中送炭。這份情意著實令人動容,作為學生,我們盡管不能提供龐大資助,但卻提議中心能參考上次冰桶籌款活動,以趣味引起共鳴,以少聚多,透過人傳人的推廣,喚起社會和政府的聲音,從而為他們解決財困,以善心成就善舉。



背包客資料

兩個年紀相若,懷著共同奮鬥理念既女仔,因緣際遇下在海外成為同窗室友。我們喜歡認識世界各地的文化,深信遊歷是學習的最好方法;交流是了解彼此的最佳竅門。是次決定來一趟說走就走的旅途,走訪鮮為人熟知的俄羅斯,接受與戰鬥民族一起生活的挑戰
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.