今日我哋三個一早八點鐘就起左身，雖然因為時差嘅原因，我哋都覺得好攰，但係我哋都會堅持落去，因為我哋今朝有一個大任務要完成，就係製作麥芽糖喇。

經過我哋連日嘅資料搜集，發現原來捷克人都會好早起身，同埋鐘意一早帶小朋友去公園玩同做運動。所以我哋三個幾攰都好，都會早起身咖。

整麥芽糖一啲都吾難，但卻需要啲時間製作。

過咗大概1小時後，我哋帶住整好嘅麥芽糖出發，向當地人傳揚我哋嘅香港傳統小食，同埋香港文化。

初初心情真係好忐忑，因為我哋覺得歐洲人吾會隨便食人哋整好嘅嘢食。但結果令我哋好意外，佢哋都表現得好親切同歡迎。大部份被我哋邀請試食麥芽糖嘅家庭，都會問我哋一個問題：「係咪甜咖」當我哋話「係呀」距哋都都笑住甘答「真係好好呀」。

其實歐洲人是好鍾意甜既小食。當中有一個令我哋好難忘既家庭，呢個家庭既媽媽有四個小朋友，三個囡囡都著一樣既裙，好可愛。距媽媽同我地傾左好耐，覺得我哋做嘅嘢好有意思好好味，不停甘讚我哋。覺得我哋係香港黎到布拉格，真係好難得。仲問左我地好多關於香港嘅嘢。真係好開心呀!

https://www.youtube.com/watch?v=RwccEMbS_9E