Last but not least，在七月尾終於終於到我們三出發喇！之前兩個月我三人各散異地，前幾天再次喺吉隆坡聚頭，準備一切後今天終於出發到文萊進行我地一連六日既尋找快樂之行！

Brunei we are coming!!

文萊機場清真寺

你好呀文萊！

由於之前聯絡左民宿媽媽Eirene，佢將會黃昏到機場迎接我地！雖然一落機就遇上文萊落大雨，但都無減我地對來到文萊既興奮！！大家對文萊有好多想像，例如吳尊、石油王國等等，但因為我地有Eirene既款待，第一天就經歷左文萊普通市民既生活！

Host family既囡囡

佢介紹左我地一個傳統文萊平民飯菜，叫做Nasi Katok，入面雖然只有白飯、小魚乾、幾塊青瓜同蛋，辣辣地真係幾好味！重點係，呢樣野食只係文萊幣8毫子，只係大約港幣5.5，岩哂我地呢啲窮遊既backpackers！！

Nasi Katok

Eirene有一位兩歲既女兒，黎緊一連三日將會同呢一家三口一齊住！乍看之下佢地生活簡單，究竟文萊人既生活同香港人有咩唔同？佢地對快樂有咩定義？請大家繼續留意我地喺文萊既期遇！