昨晚與一班Sketchers聚會後，有幾位相約我地今朝去小印度(Little India)畫畫丶介紹更多Sketchers比我地認識。

小印度係新加坡中最多印度人聚集o既區域，聽Sketcher ar June講，只有係印度移民過黎新加坡o既印度人先會係呢一個區域住，土身土長係唔會架！而小印度雖然主要印度人居住但係廟宇卻係集百家於一區！睇番個地圖，小印度除左印度廟，仲有中國廟宇，西方教堂丶清真寺。

集合後我地再次各自尋找繪畫地點，我地同幾名Sketcher到達位於Mayo Street o既阿督卡夫回教堂(Abdul Gafoor Mosque) – 呢座回教堂建於1859年，建築風格為阿拉伯-文藝復興。佢個祈禱廳裝飾左摩爾式的拱，體現了伊斯蘭教o既歷史。門口有比信徒沖洗o既裝置，亦唔準著鞋入祈禱廳，服飾過短都需要先穿上佢比o既衫摭住先可以入去。今日太陽實在過猛喇，要唔著鞋都有難度，所以我地唯有留係外面畫畫。

經過個半小時o既Sketching，我地番到去集合點 – 竹腳中心交流畫作同埋閒聊。Sketcher Kwan同我地解釋係2013年小印度區發生o既暴動到底因何開始，當時一名印度人飲醉左酒，唔小心訓倒係馬路旁，之後被一架的士碾過而過身，因此觸發左印度人涉及種族問題而上街示威，Kwan形容比我地叫我地想像一下當時嚴重性去到火燒警車，街上都佈滿印度人。係事件平息之後，政府亦立例每晚六點之後都不準賣酒防止同類事件再發生。

Special鳴謝Sketcher Chris為我地晨早製作咁好味o既Muffin！仲好細心做左個Welcome o既旗仔，真係好窩心呀！