我地去到布拉格最重要既任務- 皮影表現演日 + 玩具分享日

早前未出發去捷克 已經係黃暉偶影工作室學左皮影表演

而我地準備左皮影肚皮舞表演 吸引左好多小朋友 家長既注意同目光

佢地重好好奇 於是我地決定教下佢地一齊玩 一同玩樂 一同分享 一同快樂!

https://youtu.be/kRgw6T2YZlI

我地係布拉格比較多小朋友既公園表演 有靚景又有靚表演 其實真係唔錯

小朋友好有禮拜 就算佢地唔識廣東話同英文 佢地都會用身體語言表達禮貌

而唔會一手就搶來玩 相信呢D禮貌同人民質素同公眾教育有好大關係

同場我地同時擺放香港傳統玩具 因為佢地重來冇見過 亦都表現得好開心!

望到佢地對於簡簡單單既玩具都可以笑到勁開心 對比好多香港小朋友 個個玩具ipad iphone都覺得唔知足 我內心就感到十分唏噓 但你見到佢地開心 你都一定會好開心 

家長亦表示非常支持我地既計劃 將不同地方既文化同人交流

相信呢一點亦係背包客重要既精神之一! 敬學與分享! 

小朋友拿著泡泡 抱緊著希望 背包客分享快樂 樂出新希望