Hit Count is 8409.


旅行日期: 26-10-2016

帶你認識紅場

IMG_8788IMG_8803IMG_8812IMG_8813IMG_8850IMG_8852IMG_8865DSC01084DSC01089DSC01166IMG_8935IMG_8938IMG_8939IMG_8944DSC01245DSC01250

講起紅場,大家諗起既係一道厚厚既紅牆,克里姆林宮,定係鼎鼎大名既聖巴西爾大教堂? 不得不說,俄羅斯的建築真係好遊特色,無論係外型設計,定係顏色配搭,都係一絕。不過原來紅場呢個名係有特別由來架,首先佢絕對唔係解紅色廣場,雖然佢既四周圍都係以紅色格調為主的東正教堂,但呢個唔係佢既得名原因。紅場係俄語既意思係美麗的廣場,在古時,呢度曾經係一個好大型市集,吸引好多本地人前來圍觀購物,但可惜一場大火,將呢度清空成為一塊空地,由於佢既後方坐落左克里姆林宮,係現代政府辦公嘅地方,同時隔離亦係克里姆林博物館同一連串相關建築群,我地入左去博物館睇,入面既巨型馬車,皇宮收藏品,披金戴銀奢華到極致,證明當年彼得大帝收復國土後大肆擴張版圖既俄羅斯帝國繁華盛世,各方既王室都要前來朝拜送禮,真係令人大開眼界。前方列寧墓,豎立著墓碑紀念一眾蘇聯統治間一些傑出偉人,供後世瞻仰,左右兩旁右分別係神聖既東正教堂和皇宮商場,所以呢個廣場就自自然然成為左官方舉行大型活動既指定場地啦! 可能你會問,咁以前個市集點算啊? 唔洗擔心,政府將他們搬遷左入去室內既皇宮商場,不過隨著經濟發展,通脹,加租,商場翻新咁,D小租戶都唔見曬LU,剩番既都係D名牌連鎖店,唉果然世界都係弱肉強食,小本生意難做啊!

再講下聖巴西爾大教堂,佢係沙皇時期遺留落黎既文化遺產,堪稱最美麗的教堂,點解會有佢既存在呢? 原來都係沙皇好勝之過啦!相傳佢係Ivan the Terrible(IV) 在統一整個俄羅斯沙皇國既時候興建既,佢要求工匠為佢起一座全世界最靚既教堂,足足用左6年先落成,係開幕典禮果日,Ivan the terrible好滿意,就笑住問班工人,你地有無信心再起一座更靚既?工人面面相覤,究竟答可唔可以好呢?可以既話咁呢座就唔係世界之最,唔可以既話又會得罪國王,最後迫於無奈底下只能說好。就係咁,佢地就比處死左啦!唉,點解會覺得呢段歷史有D似曾相識,係啦就係秦始皇!當年又係中央集權,又係修築長城,引發一連串既血淚史。雖然兩位皇帝千秋霸業成就中俄成為史前強國,但其獨裁和暴政,勞民傷財也可算係功過相抵。

自古君心難測,望住依家‘史上最美麗’教堂,我不禁想問一問ivan the terrible,為左成就創舉,名留青史,你可以去到幾盡?



背包客資料

兩個年紀相若,懷著共同奮鬥理念既女仔,因緣際遇下在海外成為同窗室友。我們喜歡認識世界各地的文化,深信遊歷是學習的最好方法;交流是了解彼此的最佳竅門。是次決定來一趟說走就走的旅途,走訪鮮為人熟知的俄羅斯,接受與戰鬥民族一起生活的挑戰
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.