完成左Little Earth 的義工服務後，我地正式向帕米爾高原出發。迎接我地既係導遊加司機Joomart，佢係帕米爾高原出世，一家都生活係高原，由佢帶領我地既生態遊就最適合不過啦！Joomart 叫我地有心理準備，依幾日可能會冇電、冇水、冇網絡，等我地一齊感受下真正既高原生活啦。

我地經過左努列克水庫同大壩(Nurek Reservoir and Dam)，全個塔吉克斯坦有七成的發電量都係黎自依個水電站，可再生能源佔咁高百分比，真係好值得我地學習呀。

經過一日既車程後我地到左kalaikhum小鎮。係小鎮遊走時經過左一間學校，小朋友們好熱情咁同我地say hello，仲教我地講當地語言添！

當日咁岩有一對新人結婚，當地既居民好好客咁邀請我地觀禮。小鎮人口唔多，一有婚禮就差唔多成個小鎮既居民都會去觀禮。雖然言語不通，但我地都享受婚禮樂也融融既氣氛。