Hit Count is 9577.


旅行日期: 2016/08/24 12:00

去歐洲又點可以唔踩單車呀

成日聽人講歐洲好多城市都係bike friendly,當地人會用單車作為代步工具。筆者曾經好熱血咁凌晨係香港島踩環島單車,同紅司機鬥智鬥力,再征服三條長命斜;嚟到歐洲又點可以唔見識下當地單車文化呢?不過咁,踩落就會發現同幻想中硬係有啲出入嘅…

 

單車城市第一站:Ljubljana (斯洛文尼亞首都)

Ljubljana差唔多每一條車路同行人路中間都有單車徑,而且成個市中心都係平路(除非你係都要挑戰自己踩上Ljubljana Castle啦哈哈哈)。後嚟我哋先知道原來Ljubljana嘅城市同單車徑規劃都係參考過丹麥嘅Copenhagen;全長大概133公里嘅單車徑係50年前就開始興建,一開始係為咗保障越嚟越多以單車代步嘅市民。對於當地完善嘅單車徑同配套,筆者只能夠講:如果有一日係香港都可以單車代步就好啦…

當我哋好興奮諗住可以租單車嘅時候就遇到難題:原來係Ljibljana租單車唔係咁容易!一早睇過tourist centre可以租單車而且價錢合理(€2/2hrs)點知去到先知全部單車已經一早租晒出去,因為啲遊客通常朝早7點就去租一直都日落先會還車。幾經波折之後我哋翻到住嘅hostel打算租單車,最後因為當時仲有兩個幾鐘就日落但hostel租單車嘅計法係per day/per 5hrs,作為精打細算嘅香港人,我地決定慳翻啲錢留翻去Lake Bled先租。GOPR2721

IMG_0531

單車城市第二站:Bled

Bled距離Ljubljana大約個幾鐘車程,而Lake Bled見稱,附近一帶亦都係Slovenia嘅度假聖地。既然係Ljubljana租唔成單車,嚟到Bled就當然唔可以再錯過係Slovenia踩單車嘅機會啦。去到tourist centre見到門口泊滿單車,滿心歡喜咁諗:今次實租到啦啩~答案係:咁嘅諗法實在大錯特錯😂我哋三個都係一般香港女仔身高(利申:筆者嘅身高啱啱好係條growth curve嘅50%上小小)係啲單車面前就好似小矮人咁,根本就唔夠高踩lol 終於去到一間單車鋪老闆有’smaller bikes’租俾我哋*登燈登凳* 我地租到嘅係俾小朋友踩嘅單車🙈但其實又真係同係沙田租嗰啲差唔多高度,只不過係Slovenia佢哋就係kids bike😅又話說去Bled前一晚爬過文話難度係一粒星再加light traffic,雄心壯志嘅我哋本身仲打算踩條遠啲嘅路慢慢感受下Lake Bled。開始踩之後就發現Bled係無單車徑嘅,所以我地係係馬路上面踩,再加上可能係暑假嘅緣故,其實每分每秒都有私家車係你身邊經過。不過可能係大家已經習慣單車都係道路使用者之一,Slovenia嘅司機大部分都會同單車保持翻適當距離,而且唔會用盡方法扒頭,所以總算無出現驚險情況。

IMG_0618

IMG_0619

IMG_0620

IMG_0677

單車城市第三站:Amsterdam

雖然荷蘭唔係一帶一路國家,不過講到單車又點可以唔提佢呢?我哋對依個歐洲最繁忙單車城市充滿期望,再加上一出火車站就見到蔚為奇觀嘅單車停泊處,令我哋滿心歡喜諗住應該唔會出現Slovenia嘅情況啩👉👈 旅行就係總會發生好多你估唔到嘅嘢…所以呢我哋係Zaandam打算租單車踩去風車村係失敗嘅😶行咗三間單車鋪都係無啱我地size嘅單車,仲要俾店主半開玩笑咁問’Why are Asians so short?’ Well…I guess we have to blame our genes(??)😂 係街上面見到荷蘭嘅高小學生已經係踩大人size嘅單車,但對於係香港只係sem break先踩下單車嘅我哋嚟講,踩一架堅離地嘅單車真係太危險。遇過好好嘅當地人用盡方法教我哋點用佢哋獨特嘅起車方法同埋點控制荷蘭嘅pedal-brake bikes(即係剎制係用腳踏唔係用手制)。最後為咗自己同其他道路使用者嘅安全,都係租到smaller bikes先踩啦。

第二日去到Amsterdam市中心終於搵到smaller bikes– 一係就係€17一日靚啲嘅車,一係就係€10但質素比香港租$20一日單車嘅質素仲低嘅終極kids bike。作為窮書生嘅我哋揀咗後者,一路遊歷荷蘭,一路驚架車會唔會散開。雖然Amsterdam主要係平路又有單車徑,但其實比想像中難踩。首先單車徑上會有踩得好快嘅locals(或者係我哋太慢),第二單車徑係唔只單車可以行㗎仲電單車電動車bb車下刪一百字lol 經歷完一輪adrenaline boost之後我哋總算體驗過荷蘭單車文化同成功去到目的地啦哈哈。

GOPR2866

IMG_1126

IMG_1140

IMG_1150

 



背包客資料

.透過與當地人煮菜,交流烹調心得,認識東歐的飲食文化,同時推廣粵菜 .與當地人買菜、煮菜、用膳,融入當地人生活,體驗歐洲人的日常生活,了解其人文風貌,並建立友誼,日後可於互聯網交流,保持聯絡 .透過與當地人同枱用餐、外遊,分享當地的本土文化、歷史背景、社會變遷,並介紹香港的多元文化及了解世界 .在網絡和大學分享經歷,分享旅程的體會、經歷,鼓勵青年一嘗背包行,感受異國獨特的環境與風情
旅遊貼士:
戴翻個頭盔先👷 如果大家都打算去歐洲踩單車嘅話 有幾樣野可以留意翻: 1. 歐洲同澳洲唔同,法例無要求cyclist戴頭盔(helmet),基本上係無乜人戴而且無得租。如果旅程中有好多踩單車行程嘅話最好都係自己帶一個過去啦(去到買都得嘅,普通體育用品店都有),保護翻自己嘛(玩得安心又放心 好似係) 2. 出發前係香港踩下單車先! (你懂的) 3. 歐洲係左軚車,所以單車係靠右踩,同香港唔同㗎。可以上網睇下啲人嘅tips先,了解咗當地交通規則先。
遊記分類 :
地區分類 :
中歐
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.