Hit Count is 8411.


旅行日期: 24-10-2016

俄國食評Free d

IMG_8736IMG_8737IMG_8738IMG_8739IMG_8776DSC01165IMG_8889IMG_9249DSC01340IMG_9245IMG_8820IMG_8826IMG_8827

一開始我地對俄羅斯的冬天印象係一個極寒之地,雖然未去到寸草不生,但農作物同畜牧業應該都唔發達吧 但當我地黎到莫斯科覓食既時候,發現我地真係大錯特錯! 呢邊既食物種類雖然無香港咁多,但賣相同味道依然係上乘! 或許係因為地裡位置上俄羅斯橫跨歐亞,所以相比起其他歐洲國家,呢邊多左好多亞洲美食可以選擇,同時我地亦都發現左一樣野,就係佢地真係好中意飲湯! 平時去任何餐廳,侍應第一時間會埋黎問想要咩飲品,而呢邊係問你要飲咩湯!

講起俄羅斯既湯,最有名既莫過於羅宋湯,而其他湯種其實都係以羅宋湯為藍本調製既。入面既湯料離不開紅蔥頭,蘿蔔,同肉類。雖然仲係比較單一化,但就好受俄人歡迎。

而呢個疑問我地係青年旅舍同當地人傾過之後就搵到真相啦! 原來佢地認為飲湯係保暖既最佳方法,在大風雪既室外風塵僕僕入返室內,飲完一碗好味既熱湯,配上他們特有既黑麥包,就好似沖完熱水涼一樣,全身都暖笠笠,渾身充滿力量。

當然俄羅斯仲有其他值得推介既美食啦,例如酷似上海小籠包既巨型版餃子,同鋪滿三文魚子既多士,順帶一提,呢邊好多菜式都有三文魚做食材,而且價錢又相對地平,鍾意食三文魚的我地表示好幸福啊!

如果想用最低既價錢食到最多既本地俄菜,推介大家一間特色快餐店:MyMy,佢有一隻黑色乳牛作醒目標記,有D似IKEA咁自助形式選餐,即使唔識俄文都無關係,開放式廚房令你一次過睇曬所有菜式,只有你指一指比服務員睇,佢地就會夾上去你既碟,按重收費:D

總括黎講,就價錢,味道,賣相,服務四方面俄羅斯既美食指數,10分我會比9分啊!



背包客資料

兩個年紀相若,懷著共同奮鬥理念既女仔,因緣際遇下在海外成為同窗室友。我們喜歡認識世界各地的文化,深信遊歷是學習的最好方法;交流是了解彼此的最佳竅門。是次決定來一趟說走就走的旅途,走訪鮮為人熟知的俄羅斯,接受與戰鬥民族一起生活的挑戰
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.