一早係當地人家中食過如常既早餐，我地又上車準備一日既奔馳！沿途上見到好多放牧既牛仔、羊仔同馬仔，有時候佢地仲會行到公路上，不過當地既司機都會好禮讓等啲小動物過完馬路先再開車。

今日我地終於上到高原海拔4000米，可以見到廣闊既高原黃土之外，仲有連綿既雪山山脈。上到咁高海拔，我地除左覺得凍左好多(因為環境溫度定律，海拔每上升一千米，溫度會大約下降六度)，仲覺得同啲雪同個天空近左！

今晚入住高原小鎮，司機家鄉Murgab中既Hotel Pamir，晚餐有旅館主人為我地烹調既少肉薯仔餐、同走肉既蕃茄薯蓉，我地都食得好滋味！