Hit Count is 8402.


旅行日期: 22-10-2016

一串葫蘆換你一個故事

DSC01252

 

DSC01259DSC01261

DSC01264

今日我地去到紅場,附近人流並唔多。攞住前一晚整好左既冰糖葫蘆,企係寒風底下,我地開始有D擔心。 一係因為怕太凍長期係室外我地身體吃不消, 二係唔知俄羅斯人會否懂得‘欣賞’我地呢份奇特既‘心意’呢?

事情最初如我地所料,我地既葫蘆冇得到任何青睞,即使我地已經唔放過任何一個路過既人,友善甘用英文同佢地解釋我們既活動同意義,但得到既回應唔係直行直過,就係搖頭擺手。不過甘都唔出奇既,試諗下你係本地人,如果突然有人將你截停,擋著你去路,嘰哩咕嚕講一堆你聽不明既說話,你會作何感想?

我們事前的確忽略了呢一點,大部分俄羅斯人都是唔!懂!英!文!既!,佢地酷愛自己既民族,整個俄羅斯都係俄語系,英文對佢地黎講,只係其中一種外語……初來乍到的我地彷彿一下子就成為左外星人,比手畫腳甘進行簡單溝通都有困難,更遑論要佢地同我地談天說地。孤立無援底下,到底點先可以將葫蘆們沽出呢?

正當我地苦惱之際,突然聽到有人系度講英文! 轉過頭一睇,在無幾遠發現有一個女仔比一班人圍住,而佢用緊流利既英文解釋緊紅場既周邊歷史。我們即刻衝上去湊起耳仔,細心聽下呢個突如其來既驚喜。講解完左之後,我們搵到佢, Victoria,去‘推銷’冰糖葫蘆,同她介紹自己係黎自香港,熱愛探索文化,希望以家鄉小食換取一個俄羅斯故事,增廣見聞。佢聽完就二話不說攞起一串葫蘆,食完仲比左一個讚好既手勢。’I really appreciate it! The taste is amazing. How do you make it?’ 一絲絲的鼓舞,有沒有~?終於有人願意同我地分享55555

我們向她講解這個冰糖葫蘆的製作過程,同時簡單說了這個東西在中國是很有名的。而她就同我地分享左她的背景。Victoria係一名本地導遊(出路遇貴人?!),平日就幫忙帶團城市半日遊,將會經過不同著名景點,而她剛巧路過這裡解散。我們心裡樂開花!

hehe係時候抓著佢問個究竟。首先好奇既係,到底他們是否不喜歡和遊客交流?Victoria解釋其實俄羅斯人骨子裡係外冷內熱,只不過有好強烈既民族意識,如果一般人唔識俄文,就會被歸類為‘外人’,態度就自然唔同啦!為左方便我地係俄羅斯遊走,她又教曉我們幾句簡單既俄文:”斯巴斯波” =多謝;’巴架’=再見 。同樣地,我地都教番佢一樣既廣東話同中文。大家係度𠵱𠵱呀呀,都幾得意架!

第二樣野想知就係平時多唔多中國人黎呢度玩呢?有冇聽過一帶一路呢個概念? 嗯呢個佢諗左一陣,就話跟團黎既比較多,好似我地甘backpack自由行既真係好少,跟住就讚我地兩個女仔勇氣可嘉,哈哈哈!我地同佢透露一帶一路係中國同歐亞既經濟合作戰略,佢表示都係第一次知道有呢件事,睇黎政策係俄羅斯既宣傳力度不足啊。惟有同佢講交通網絡方便,歡迎黎香港旅遊,而佢都話好中意香港,希望有機會黎甘話喎~

臨別既時候佢仲推介左我地去食一間快餐店食平價俄國菜,今日既收穫真係好豐富,意外之喜!

 



背包客資料

兩個年紀相若,懷著共同奮鬥理念既女仔,因緣際遇下在海外成為同窗室友。我們喜歡認識世界各地的文化,深信遊歷是學習的最好方法;交流是了解彼此的最佳竅門。是次決定來一趟說走就走的旅途,走訪鮮為人熟知的俄羅斯,接受與戰鬥民族一起生活的挑戰
旅遊貼士:
遊記分類 :
地區分類 :
俄羅斯
洗費:

发表评论

电子邮件地址不会被公开。 必填项已用*标注

This site uses Akismet to reduce spam. Learn how your comment data is processed.