有人說，生命就像一場遊戲，只有一次機會，盡興就好。對康男而言，這場遊戲看似平淡，卻曾經差點在無聲無息間就踩中了game over的陷阱。

「中一嘅時候，有一晚瞓覺，一起身就發現自己喺醫院。我阿媽後黎話俾我知，佢見到我瞓瞓吓覺全身係度抽筋，跟住佢就報警叫救護車送我入醫院，我淨係問左佢一句「點解我係呢度?」

突如其來的經歷把康男嚇壞，當時醫生替他做檢驗，證實他患上先天性腦癎症。這個病會令患者抽搐反覆發作，無直接起因，亦不能根治。

如此可怕又突然的病魔，令當時的康男不論身體上或是心理上都跌入谷底。「嗰陣開始放棄自己，唔想讀書，亦都做唔到運動。因為唔知個病會唔會做做吓運動就發作。

「嗰陣我日日都打機，幾點起身都打機，有時會扮病，唔想返學就留喺屋企打機。嗰陣自暴自棄得好緊要」

命運亦沒有因此對康男更加友善，不久之後，家中發生突變，康男更加需要面對另一個大難題。「嗰陣屋企無錢，阿媽好擔心,亦都好緊張，成日拎住個計數機喺度計數，阿爸同阿媽成日都嗌交，最後頂唔順就決定離婚。

康男決定振作起來，幫忙撐著家中重擔，「我見到我家姐好辛苦讀書又做兼職養家」我就決定幫手睇住阿媽。」

但係因為呢件事，我發現原來自己仲有值得保護同努力嘅人，我好想好好咁照顧我阿媽有返少少人生目標。

生命上和家庭上的突變，令康男變得愈來愈成熟。當時亦接到學校通知需要留級，康男決定轉校，打算讀完中三便出外工作，幫補家計。

我嘅成績喺新校算考得唔錯，學校安排左好多資源俾我。本來打算讀完中三就出黎做嘢，學校安排左好多老師同我傾，佢哋覺得我有能力點解唔讀落去，同其他同學亦相處得好好。

「喺新學校度，我搵返自己嘅價值。」轉校的經歷令康男定下自己未來的目標，令他想當個不一樣的老師。

心情轉好，康男亦學習面對己的病情，開始慢慢嘗試做輕量級的運動，可幸的是，兩年幾來亦沒有再病發。

「我好明白我改變唔到事實，雖然之前好唔開心，但係而家慢慢懂得面對人生其他困難，EQ高咗，成熟咗，面對問題嘅時候會諗吓處理方法，多過發脾氣或者埋怨，盡自己能力做到最好，唔會咁容易放棄。」

對於生命的無常，康男亦已經學習接受，甚至因為如此，獲得了一種新的生命力。

這一場遊戲中，康男總算安穩渡過第一個難關，雖然面前仍然有很多未知的敵人，他一定可以成為留守到最後的玩家。」